【蕭定一孖仔百日宴】靚靚向洗米華集郵張智霖「驚愕」
蘋果日報 2015/11/28 06:00
蘋果香港張智霖袁詠儀蕭定一集郵即時周焯華靚靚孖仔洗米華百日宴
靚靚同洗米華擺晒Chok甫合照，Chilam（左圖中）扮「驚愕」。（微博圖片）- 靚靚同洗米華合照，火速放上微博。（微博圖片）
- 蕭定一為孖仔舉行百日宴，加上又係老婆生日暨兩公婆結婚五周年，真係喜上加喜呀﹗
- 蕭定一扮五月天阿信唱歌冧太太。
- 雨僑抱住BB
蕭定一噚晚三喜臨門，蕭燁己（Sirius）同蕭燁人（Solarius）孖仔百日宴，老婆Michelle生日，又係佢哋結婚5周年，咁開心大日子，蕭定一就邀請咗百多位朋友，喺深灣遊艇會開P狂歡。
出席嘉賓眾多，包括張智霖（Chilam）同老婆袁詠儀（靚靚）、周秀娜、莊思敏、袁彌明、雨僑、「鴨王」何浩文（Dominic）、胡杏兒同未婚夫PhilipLee、石詠莉同男友鄧健泓、張建聲、陳詩慧同陳浩民等到賀，仲有周焯華（洗米華）都畀面撐場。
平時畀人集郵嘅靚靚，見到洗米華都主動出擊集郵，但就冇預同場嘅老公Chilam，靚靚住手機同洗米華自拍完，仲火速po微博，佢留言用老公Chilam隻歌《祝君好》：「寧願沒擁抱共你可到老......阿嫂！開玩笑，不要介意！」其中兩張相靚靚笑得風騷，洗米華又配合擺出chok樣，另一張就見佢哋中間條罅出現咗一臉驚愕樣嘅Chilam，好鬼搞笑。
蕭定一老婆Michelle係台灣組合五月天粉絲，佢為咗冧老婆，仲戴假髮扮「老翻阿信」上台，唱咗首《最重要的小事》助慶，有賓客上台送氣球，蕭定唔小心跌倒扭傷腳，一直忍痛唱完，壽星女Michelle就抗議：「唔要A貨得唔得？」對於老公呢番心意，佢甜在心頭，全晚笑唔停。蕭定一仲錫錫老婆話：「多謝老婆照顧。」
出席嘉賓眾多，包括張智霖（Chilam）同老婆袁詠儀（靚靚）、周秀娜、莊思敏、袁彌明、雨僑、「鴨王」何浩文（Dominic）、胡杏兒同未婚夫PhilipLee、石詠莉同男友鄧健泓、張建聲、陳詩慧同陳浩民等到賀，仲有周焯華（洗米華）都畀面撐場。
平時畀人集郵嘅靚靚，見到洗米華都主動出擊集郵，但就冇預同場嘅老公Chilam，靚靚住手機同洗米華自拍完，仲火速po微博，佢留言用老公Chilam隻歌《祝君好》：「寧願沒擁抱共你可到老......阿嫂！開玩笑，不要介意！」其中兩張相靚靚笑得風騷，洗米華又配合擺出chok樣，另一張就見佢哋中間條罅出現咗一臉驚愕樣嘅Chilam，好鬼搞笑。
蕭定一老婆Michelle係台灣組合五月天粉絲，佢為咗冧老婆，仲戴假髮扮「老翻阿信」上台，唱咗首《最重要的小事》助慶，有賓客上台送氣球，蕭定唔小心跌倒扭傷腳，一直忍痛唱完，壽星女Michelle就抗議：「唔要A貨得唔得？」對於老公呢番心意，佢甜在心頭，全晚笑唔停。蕭定一仲錫錫老婆話：「多謝老婆照顧。」