無綫長命劇《愛．回家》播極唔斷氣，馬家授命返屋企救收視，至於唔少網友都希望見返嘅女主角尹德如，亦即係朱慧敏，聽聞因為佢同無綫已經冇約喺身，所以就冇得「回家」。

雖然無家可歸，不過朱慧敏喺出面就長做長有，返內地拍劇同狂接商演活動外，最近佢仲幫港台拍一系列嘅劇集。噚日佢就喺廟街一間印度餐廳，用英文夾手語同幾個印巴籍臨時演員做對手戲，忙亂之中仲識同門外記者揮手打招呼，一眼關七，厲害！