【米蘭時裝周】嘉穎凱琳拍拖亮相 衛詩雅預言大出血
FILA米蘭時裝周陳凱琳衛詩雅鄭嘉穎
鄭嘉穎同老婆陳凱琳早前去咗意大利出席米蘭時裝周,同時佢哋去咗參觀品牌FILA嘅時裝騷。今次喺嘉穎兩夫婦首次以夫妻檔出席海外活動,嘉穎話今次工作輕鬆,抱住旅行的心情開工:「當旅行嘅心情?都可以咁講,我冇嚟過米蘭,呢次係婚後首次一齊出trip,所以感覺好唔同。」問到嘉穎有冇興趣上台行騷,佢笑住話:「做model冇諗過喎,其實之前有去過巴黎睇騷,但行騷就未試過。但如果有人夠膽搵我嘅話,我都會夠膽嘗試的!」
陳凱琳除咗睇時裝騷外,仲把握時間參觀FILA博物館:「真係好難忘嘅體驗,之前仲去埋呢個品牌嘅博物館參觀,先發現一百年前係做『內衣褲』起家,以前去外地睇博物館都係欣賞畫作之類,今次係睇衫,所以感覺真係好唔同。」
另外,衛詩雅就亦有出席時裝周,仲揚言寓工作於濕平,會盡情購物,準備大出血。
精選娛聞,喺晒《娛果》 http://fb.com/appledailyent