歐聯冠軍皇家馬德里，星期二就會喺馬其頓，同歐霸盃冠軍曼聯爭歐超盃；皇馬大軍星期一就出發，官方公佈嘅大軍名單，上星期六先復操嘅前鋒基斯坦奴朗拿度，都榜上有名，不過西班牙《阿斯報》預計，C朗呢場波好大機會後備，甚至唔會上陣添。

皇馬大軍除咗C朗，另一個焦點係威爾斯翼鋒加里夫巴利，據報皇馬已經對佢飽受傷患纏身有啲不滿，準備以1億歐元（約9.2億港元）將佢賣去曼聯，籌旗買基利安麥巴比，呢場波冇C朗，巴利更加要珍惜機會表演身價嘞。