盛傳奉子成婚嘅新民黨立法會議員容海恩上月嫁畀袁彌昌做袁太後，較少公開露面，適逢今日係開學日，即係天下媽媽都好緊張嘅日子，恩恩豬都好應節咁喺facebook上載短片，話要介紹一個「親子活動」，以為係乜？原來係教大家喺屋企影證件相。片中嘅恩恩豬著上寶藍色鬆身外套，加上證件相都係影半身之嘛，所以難以察覺身型係咪已經唔同咗。

恩恩豬話喎，喺屋企影證件相非常簡單，只要兩把間尺、兩張白色A4紙，以及搵嚟媽媽同爸爸幫手就得嘞！吓，要搵爸爸喎，咁袁彌昌有冇出動？答案係，「冇」，但片中幫忙揸機做攝影師嘅「Daddy」，就以「有鬚恩恩豬」頭像出現，唔知等到幾時，袁生袁太會以夫妻檔登場，唔使恩恩豬代夫出鏡？

想知點樣D.I.Y證件相，有興趣可睇片： https://www.facebook.com/eunice.yung.fans