轉會窗已經關閉，阿仙奴翼鋒阿歷斯山齊士（山神）幾想去曼城都好，至少都要留喺兵工廠直至明年1月，周六對般尼茅夫比賽亦都後備落場。不過山神嘅智利同胞、曼城門將哥迪奧巴禾就爆料，山神去唔到曼城後充滿絕望，心情就好似由天堂趺落地獄添。

其實轉會窗關閉前夕，山神同巴禾一齊代表智利出戰世界盃外圍賽，巴禾就話：「當佢知道有機會去曼城，可以同哥迪奧拿重逢，心情好興奮，但到最後一刻都係走唔到，幾小時之內，睇到佢心情好似由天堂趺落地獄。不過呢啲嘢已經改變，睇吓下年仲有冇機會做隊友啦。」