【新增內容】
消失8個月的心穎，今晨6點53分抵港，約早上7點幾，心穎步出禁區，當被問到近況，她忍不住爆喊：「無論係我想講，或者我要講嘅，私底下同公開都講過，所以喺呢件事上面，我都唔會再有任何回應，而今次返嚟最主要係陪我屋企人，因為真係好耐冇見，希望大家可以畀多啲空間我哋。呢段時間多謝大家關心，辛苦晒！」

對於她忽然回港，問到她有何大計，心穎稱今次回港只是見屋企人，其他事不作回應：「ready咗好多其他嘅嘢，但係工作上嘅嘢，遲啲先算。」被問及早前無綫高層樂易玲代她回應傳媒指其情緒不穩定，心穎說：「而家好好多！(呢段時間有冇聯絡馬明？）私人嘢唔回應喇。（點面對佢？）我諗都係會好開心。（佢有冇去外地陪你？）呢段時間我自己一個人去冷靜下同面對所有嘢。（有冇聯絡安仔？）呢啲嘢唔再回應，sorry。」

當記者再問她是否轉行，心穎坦言：「未諗過！」講到會否聯絡安仔或者Sammi、會否跟Sammi道歉，她一概沒回應。早上8點15分，心穎乘坐的白色七人車駛入油塘鯉灣天下停車場。約9時15分，黃心穎助手到大廈門外迎接七人車，隨後拎着大包小包的茶餐廳外賣上樓。約五分鐘後，黃心美身穿白色外套及帽鬼祟現身，於門外讓記者拍攝後心美火速上樓，未有回應記者提問。

早上11時，黃心穎經理人及助手離開其寓所，而家姐心美隨後亦出現，本打算招待在場等候的傳媒飲食，在現場傳媒婉拒後，問到與妹妹心穎討論了甚麼？眼紅紅的心美表示：「唔答喇。」隨即上樓繼續陪伴心穎。

採訪：黃曉妍
攝影：黃曉程、朱志聰、林賓尼
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇