余文樂今日喺澳洲同女友王棠云（Sarah）結婚，榮升做老襯，佢仲喺ig上載咗結婚相，見到一對新人笑到見牙唔見眼，真係隔住個Mon都感受到佢哋嘅幸福！( 新聞連結： http://bit.ly/2BAyVuG )

樂仔今日咁幸福，睇番佢嘅宿敵陳冠希(Edison)，都同樣找到佢嘅幸福啊！

講到樂仔同Edison，點解會成為宿敵呢，事緣佢哋係差唔多時間樂壇出道，之後佢哋因為阿嬌(鍾欣潼)，就發生咗頒獎禮撞膊事件，到近年佢哋又再因為潮界事，又喺網絡掀起罵戰。

真係唔知有咁啱得咁橋，定係時間上嘅脗合，今年佢哋嘅感情生活都起咗變化。

首先講吓Edison，自從去年佢同大陸名模秦舒培拍拖後，Ediosn感情上找到依靠，個心終於肯定落嚟，今年3月，秦舒培就幫佢生咗個囡囡Alaia，做咗老竇4嘅Ediosn，雖然口說同女友結婚，都只係一張紙，當時佢喺成都宣傳時，仲話：「Alaia出生後就覺得每天都很開心，就算有不開心的事，我看到她就會笑，覺得這個世界其他的東西都是屁，希望我可以好好做一個爸爸。喜酒真的不知道什麼時候，現在和舒培、Alaia天天都過得很開心，結婚只是一張紙，最重要的是感情。如果真的有一天我們會結婚，就看哪個媒體給最多錢，我們獨家賣給你們。」( 新聞連結： http://bit.ly/2jQ7qpm )但係Edison就同一般嘅爸爸冇分別，經常喺網絡晒囡囡嘅萌照，更被網民封為「炫女狂魔」。

同樣地，樂仔去年同王棠云拍拖後，佢亦好大方咁承認之餘，亦不時被傳媒影到佢同女友拍拖嘅Sweet Sweet相，之前《蘋果》亦影到佢女友喺香港睇醫生( 新聞連結： http://bit.ly/2zMwup1 )，有傳王棠云已經懷有身孕，今日佢哋亦終於結為夫婦，大有機會係雙喜臨門，真係可喜可賀！

而睇番佢哋嘅人生時間表，又真係幾相似喎！唔怪得佢哋被形容為宿敵啦！

更多娛聞，喺晒《娛果》
http://fb.com/appledailyent