【桃花旺】傳戀長髮女拍拖一個月 Selina前夫:我是自己去的
Selina張承中
張承中(阿中)同Selina結束四年婚姻,桃花不斷,曾先後與卓苡瑄、主播洪藜恩及女星吳亞馨傳出緋聞,不過單身咗咁耐,最近終於愛情有著落,台灣傳媒前晚影到阿中同一個身型高挑嘅新歡見面,佢哋約咗朋友一齊食飯,阿中同長髮女喺吧枱飲酒咬耳仔,一時又摸手,聚會期間長髮女跟住阿中,最後阿中飲到晚上10點半,有啲醉意,搖搖晃晃咁同長髮女一齊上的士到SOGO錢櫃,轉場去唱K。
阿中同Selina離婚前,曾被爆與辣妹及男性友人去KTV唱歌,離婚不久又與卓苡瑄爆出緋聞,卓苡瑄當時被質疑係小三,雙方雖然發聲明澄清,仍引發軒然大波,同年阿中被影到到「壁咚」洪藜恩,他只承認「喝了酒後情緒更容易放大」,否認洪藜恩係女友、強調冇曖昧,現時阿中又被爆出同呢位長髮女拍拖,台灣《蘋果》都向阿中求證,阿中噚日透過訊息回覆:「我是自己去的,是一群朋友吃飯,男男女女都有,就這樣啊,我根本不記得誰穿白衣。」至於傳有新對象,佢斬釘截鐵咁話:「沒有這位,我不知道哪來的。」
而前妻Selina近日去咗奧地利、捷克同維也納,與朋友玩得好開心,行下美景宮、John Lennon Wall同Salzburg等,享受單身生活,唔少fans都希望佢快啲搵到真愛。
精選娛聞,喺晒《娛果》
http://fb.com/appledailyent