【過大海遇打風】收工滯留澳門 糖妹冇沖涼：冇帶底衫褲
蘋果日報 2017/06/13 17:00
澳門糖妹苗柏
（攝影：曹家誠）
黃山怡（糖妹）今日到商台宣傳新歌《陽光小姐》，佢話噚日到澳門商演，撞正香港掛8號風球，所以被迫留喺當地過夜，要今朝一早先返到嚟，佢話：「因為冇預要留低，所以底衫褲同落妝全部冇帶，連涼都冇得沖。」
講番新歌主題，糖妹話好代表到自己：「好想身邊人開心，每次見到我都有搞笑嘢分享，其實自己內心都有唔少壓力，遇到問題都要死頂。」
糖妹又話o依家已經學懂遇到問題或者自己做唔到嘅嘢會求助同拒絕。同時亦多咗同媽咪嘅溝通：「我哋傾多咗好多偈，會將自己嘅軟弱展示俾佢睇，大家嘅關係再昇華咗。」
糖妹噚晚被迫留喺澳門過夜，更自爆冇得梳洗。
糖妹話自己同媽咪嘅關係昇華咗，多咗溝通。