多得志雲大師在商台節目爆響口，稱HKTV主席王維基有意參選9月立法會直選，全城花生價架上漲，維基被迫在下午開記招交代事件，席間多番強調要踢走特首梁振英，私下恩怨似乎要公開解決。杜秋棠忽發奇想，如果維基擺擂台大戰CY，將會有甚麼畫面？

（戴頭盔：以下是模擬片段）

「打一場硬仗……打一場硬仗……打一場硬仗……打一場硬仗……」
　　
開戰前，例牌有主持人吹水攝時間。

卯爺：又嚟到決戰時刻，Wiki大戰CY，邊個贏都會左右香港命運。先睇兩位參賽者信心如何先。
CY：打呢場仗，策略上係配合國家一帶一路政策，亦要以香港市民福祉為依歸。
Wiki：多謝關心，時局惡化，大家都應該為香港的未來好好想一想。我戰術只係得三個字，換特首。
卯爺：好，兩位拍檔又點睇？
Leon：我自己就睇好CY，因為佢強項係鎖技，可以用權力令對手孤立無援，達到屈機境界。
阿Y：Wiki地戰做得好，有地利人和，有觀眾緣。
卯爺：唔好講咁多，不如睇吓賽則先。
旁白：今次HK格鬥會規則，係根據一男子因素而制定，嚴格嚟講即係冇規則。

阿Y：歡迎嚟到HK格鬥會，我係大會司儀阿Y。Introducingfirst，fightinginthehappycorner，幸運號碼689，絕招係特事特辦同語言偽術，超然嘅CY～～～～。Andhisopponent，fightinginthedeadcorner，畀人迫埋死角、屢敗屢戰，今次會否破釜沈舟KO對手，為捍衛正義而戰呢？LadiesandGentlemen，Wiki～～～～

CY似乎信心滿滿，顯然有備而來：「驚？冇。同我鬥？旁證、評判、醫療團隊、甚至觀眾，都係我嘅人喎！」在CY支持區，找到這位日薪一萬的白宮發言人，相信他會進行facebooklive呃嬲，他說：「我覺得過去幾年太多人格謀殺！又話佢同地產商關係、收受澳洲上市公司5,000萬……」打斷白宮發言人的，正是另一猛人Treegun，他不是想CY贏，只是想Wiki輸：「嗰幾十億身家，收皮啦！」至於Wiki比較沉默冷靜，氣勢亦不比CY輸蝕：「我要為生命負責，為下一代負責，香港要一個更加誠實嘅特首。」在Wiki的支持區，出現了葉晴和張癸龍的身影，一切盡在不言中。

比賽蓄勢待發，旁證示意雙方過來。

旁證：大家過嚟。OK，雙方都清楚條例？
CY：知。
Wiki：我其實唔係咁清楚，政府可以任意搬龍門，你玩晒啦！
阿Y：冇錯，就係佢玩晒！既然大家清楚遊戲規則，Letsstartthefight～～～～

卯爺：嘩，呢場可能係特首前哨戰，一個擅長socialmedia，一個擅長silencingmedia。
Leon：一開始Wiki完全冇卸佢，特登硬食兩拳，要同對方打埋身戰。
卯爺：其實落到地戰，CY真係冇乜着數呀。關公災難處理得咁差，班spindoctor又廢又盛。
Leon：嘩，Wiki已經去到一個topmount位置。但係咦，CY嘗試做一個armbar或者三角絞嘅小動作喎。
卯爺：係呀，Wiki上次就係因為走唔出呢個armbar先輸，以為申請到司法覆核，點知最後都畀行會上訴得值。
Leon：權力上，冇得講呀，CY真係贏晒。CY想食過翻尋味，想用死呢一招嚟屈機。
卯爺：Wiki走唔走到呢，嘩非常精采呀，走得出！始終Wiki夠地，地戰係最強。
Leon：同埋見到CY防守開始鬆懈咗。噢，鐘聲一響，第一round結束。
卯爺：究竟，呢場持久戰邊個會贏呢？我哋拭目以待！

完

撰文：杜秋棠＠抽水站
https://www.fb.com/freakingwestlook