有「九頭身」比例嘅台灣女星吳佩慈,幫未婚夫富商紀曉波生咗大女「小蕊蕊」後,有傳男方花心又追第二個,所以遲遲唔肯結婚,而吳佩慈就再想追個仔縛實對方。
吳佩慈終於造人成功,o依家又陀緊第二胎都有6個幾月,長居香港做阿太嘅佢,平時都係湊女行街shopping。今日佢就同一位女性友人現身九龍站,佢身穿黑色外套、黑白間條衫,同着住條黑褲,乖乖着平底涼鞋,揹住個Chanel手袋,手腳就依然瘦,但個肚都幾大吓。
吳佩慈原來同友人去完修甲,仲同友人一齊搭港鐵返中環,有億億聲身家嘅未婚夫依然慳家,佢一臉素顏戴上口罩,搭車時都警覺周圍望。
佢雖然陀住第二胎應該都有啲做媽咪經驗,但佢手中揸住本育兒書,認真好學。二人到咗中環站,就行上ifc,邊行邊傾向四季酒店方向行,估計應行返下榻住嘅apartment。