中策組首席顧問邵善波上任之初「坦蕩蕩」，自揭梁振英指示所有政府委任的公職如大學校董及重要諮詢委員會成員，都要諮詢中策組全職顧問高靜芝意見，中策組回覆《蘋果》查詢指，過去五年就人事任命提供的意見或建議多達622次。「好明顯梁振英處心積累將高靜芝放入中策組，幫佢建立一個山頭，就係所謂『梁粉』」，民主黨涂謹申如是說；公民黨陳家洛則以幾大爭議任命，說明山頭下到底是人才或奴才。

記者：許偉賢

譚惠珠出任廉署審查貪污舉報諮詢委員會主席，周浩鼎續任平機會委員；何君堯是嶺大校董，陳建強掌舵港台顧問委員會，連同港大校委會由李國章揸旗，郭琳廣領導監警會，陳家洛諷指：「梁振英眼中嘅『人才』，真係好特別」。

2012年11月，陳家洛曾去信時任政務司司長林鄭月娥，要求解釋中策組的人事任命職權，當時已預示中策組「李蓮英」治下，「梁粉」陸續登場，「無端白事殺出一個機制，由中策組去審查人事任命或畀意見梁振英...咁就大件事嘞，講關係、講意識形態、講同CY啱唔啱嘴型」。

五年後惡夢成真，委任譚惠珠最令他結舌：「呢個位係好多機會同特首傾偈、會同特首討論一啲佢喺委員會發現嘅問題...CY同建制派都成日被人舉報喎，佢（譚）坐喺入面做過啲乜？點樣影響ICAC嘅工作？完全冇人知」，質疑梁借譚「昅住」廉署削其監察力。

「我對譚惠珠嘅廉署審查貪污舉報諮詢委員會任命特別反感，因為ICAC要取消行動或結案，都要呢個委員會通過」，涂謹申指政府過往委任中立人士出任此要職，「但佢（譚）極端親共，甚至一路捧梁振英」，「擺佢入去可以控制廉署結案，所有最機密嘅嘢佢都睇到，係好危險嘅事。」

除上述惹火人物，2012年10月以「梁粉」姿態上任的高靜芝亦涉插手多項任命，如上任不久便傳出她向林鄭提供大量扶貧委員會「梁粉」人選，林鄭拒照單全收，惟仍有鄭家純及紀文鳳等入圍。翌年4月市建局破例延長「梁粉」主席張震遠任期，同時多達七名「梁粉」獲任，包括當時未入政府的馮煒光等，有指名單亦獲高認可。涂謹申直言當高靜芝代表梁振英「揀蟀」，「非我族類嘅係唔會被委任入去」，「唔係量才而用，意見根本一面倒」。

中策組發言人回覆《蘋果》查詢指，截至今年5月25日，過去五年內就諮詢委員會及法定機構人事任命事宜提供的意見或建議共622次，當中以2016年最多，達157次，2015年亦達142次，這兩年梁振英鋪路組班爭連任的消息不絕，直至2016年12月始被中央突然DQ。

發言人再三強調，中策組只限於就人選提供意見或建議，最終提名及委任名單由決策局和委任當局自行決定，中策組無權批准或否決委任；陳家洛對此質疑，不信政策局會逆旨，直指五年來「梁粉」處處，「削弱香港核心價值、削弱機構監察力，削弱文明管治制度」，形容年薪逾300萬的高靜芝極具破壞力，大嘆：「仲要用自己嘅錢（即公帑）去破壞，好搵笨，斗零都唔應該畀」。

中策組過去五年就諮詢及法定組織委任人選提供意見的次數
年份／政府諮詢及法定組織（個）
2012／44（10月－12月）
2013／109
2014／118
2015／142
2016／157
2017／52（至5月25日止）

資料來源：中央政策組