當年今日
關於我們

【短片】【牙牙拖手行時代】阿Bu讚利君牙成熟聰敏:極冷靜咁叫我定啲

蘋果日報 2016/02/25 06:00

蘋果銅鑼灣電話素顏主播fb狗仔時代阿Bu即時戀情拖手100毛毛記利君牙牙牙

毛記利君牙有四分一印度血統,講嘢又有啲似薛凱琪,呢位真‧混血兒唔止成為高登仔熱捧對象,出街就連小朋友都認得佢,前晚更被爆戀情,同「腦細」之一嘅阿Bu拖手行時代,仲向阿Bu索吻,不知幾sweet(新聞連結: http://bit.ly/1p6epeX )!

利君牙噚日已喺facebook留言:「我以後出銅鑼灣不會再素顏!」足足寫咗12次,不過,重點係後面嗰句:「between牙牙終於搵到佢支perfectmatch牙刷luuu!」真係隔住個mon都覺得甜到漏(新聞連結: http://bit.ly/1R2Ob3k )。

男主角阿Bu今日凌晨於fb稱一睇到新聞,覺得輕輕嚇咗一跳,然後立即打畀女事主,更開玩笑指:「世上每一個女朋友都係你一有緊要事搵佢,佢就唔x聽電話。」

阿Bu又稱基於「女朋友唔聽電話就一定係做緊正經嘢」嘅定律,佢耐心等候利君牙回覆,續道:「終於,半個鐘到,打返嚟,我一聽,果然真係做緊正經嘢,就係頭先瞓緊覺……Ok,咁我就一輪咀講晒單嘢啦立即。我一路咁急搵佢其實係想關心下佢個心理狀況,點知佢竟然極冷靜咁叫我定啲(再下刪三千字),搞到我呆一呆,又真係定啲……定晒。」

佢仲趁機大讚女友,話因為女友平時傻下傻下,但都有成熟聰敏嘅一面,又指自己唔介意對方素唔素顏,因為佢唔係淨係欣賞幕前嘅「你」。

聽完都有啲毛管戙……