一直都好Dryo既雯女鄧萃雯，冇拖拍近十年，但近o黎忽然轉口風，疑似蜜運當中，仲暗示對方o係位有才氣o既男士。

今日就有報導指，佢原來秘密豪擲成千萬，買o左馬鞍山一個豪宅單位，身邊人話係佢覺得有新戀情，都應該過新生活。前前佢仲畀人影到去睇傢俬，全程輕鬆愉快，呢排雯女確係人逢喜事精神爽，不過佢就未肯帶新男友見人，可能驚見光死，極力保護戀情。