【預告繼續造人】Suki做搞手賀老公45歲 黃浩話:唔知自己似邊個
徐淑敏黃浩壹週刊Suki超級英雄生日會傳媒大亨徐菁遙
黃浩噚晚喺紅磡一間酒店舉行45歲生日會,太太徐菁遙(Suki,前名徐淑敏)同3個女之外,仲有何傲兒、薛芷倫、張寶華、張曦雯、傅明憲、盛品儒、唐貝詩、范振鋒同太太李思欣、林建岳及女友Michelle等等。
生日會以荷李活電影為主題,Suki好主動咁尖叫:「我幫佢諗0架!」生日蛋糕都有4個,跟住現場有人大叫「生多兩件!」黃浩即笑住話:「呢個一定要啦!」仲話自己重質不重量。
黃浩受訪時話:「生日願望係一家人開開心心,個主題係Suki諗,我原本想扮占士邦,不過真係太趕,依家紅色西裝加黑超,其實都唔知自己似邊個。」三個女送咩禮物?黃浩話見到囡囡已經好開心:「今晚陪我瞓得啦,因為平時佢哋返學陪唔到我。」講到將來大計,黃浩話:「都係搞緊《壹週刊》,9月尾會交收,啲時間好趕。」又稱唔係想做傳媒大亨:「學習緊,想俾條新路大家。」
Suki放咗好多紙牌在場,包括一個同盛品儒差唔多高嘅小金人紙牌。