【冇分手】唔知點解會炒作出咁嘅故仔 鄭俊弘：件事係冇發生過嘅

蘋果日報 2017/12/02 23:17

歡樂滿東華鄭俊弘何雁詩
    今晚喺大台舉行「歡樂滿東華」慈善晚宴，一眾藝人都有出席幫手籌募善款，而鄭俊弘（Fred）今晚有份幫手唱歌。
    問到Fred今晚籌到幾多？佢就表示：「越多越好啦，好難講，不過都希望大家多多支持，有錢出錢有力出力。」今晚Fred唱咗自己首《超時空男臣》主題曲，佢話覺得個節奏搖滾啲個氣氛會好啲，問到佢除咗唱歌仲會想表演啲乜？佢笑言：「心胸碎大石啦，以前睇過都好想試吓，踩雞蛋都可以嘅，不過都係想試啲硬朗少少嘅表演。」有傳女朋友何雁詩喺陳嘉寶嘅婚宴上飲醉酒爆出已經分咗手？（新聞連結： http://bit.ly/2j9r5Bj ）Fred就表示：「唔知點解會炒作出咁嘅故仔出嚟，件事係冇發生過嘅，一切都係幻想嚟。」Fred仲透露，本身女友何雁詩酒量都唔錯，最近仲幾開心，仲打番哥爾夫球，籌備緊復出嘅比賽，自己都係跟佢學嘢。
    更多娛聞，喺晒《娛果》
    http://fb.com/appledailyent
    empty
    今晚喺大台舉行「歡樂滿東華」慈善晚宴，鄭俊弘（Fred）今晚有份幫手唱歌。
    empty
    問到Fred今晚籌到幾多？佢就表示：「越多越好啦，好難講，不過都希望大家多多支持，有錢出錢有力出力。」
    empty
    問到佢除咗唱歌仲會想表演啲乜？佢笑言：「心胸碎大石啦，以前睇過都好想試吓。」
    empty
    Fred透露，女友何雁詩最近幾開心，仲打番哥爾夫球，籌備緊復出嘅比賽，自己都係跟佢學嘢。