中國女排好手朱婷已經開始融入土耳其嘅生涯，上星期六第一次為今夏加盟嘅土耳其勁旅華基夫銀行披甲，就獨取20分協助球隊喺友賽以3:1反勝意大利球隊卡薩爾馬焦雷。不過呢位里約奧運MVP雖然喺球場上夠晒霸氣，但佢喺練習嘅時候遇到效力費倫巴治嘅南韓名將金延璟就即刻變身怕醜小粉絲，認真估佢唔到！