【新增影片】
高鐵西九龍站今明兩日舉行開放日，有反對西九站「割地兩檢」的市民前往西九高鐵站附近抗議。約10名旺角鳩嗚團的成員今早在將會連接高鐵站的柯士甸站外示威，抗議高鐵香港段即將通車。

旺角鳩嗚團於開放日開始後，在西鐵柯士甸站D出口進行示威抗議，該出口為前往高鐵站參觀的市民的必經之路。鳩嗚團在出口外面舉起印有「地今日還是香港，明日被收歸國有」的橫額，並高喊「一條高鐵、兩制消失、三步亂走」等口號，又向隊排等候參觀的市民大喊：「大家可能好開心咁睇開放日，但呢條高鐵係用咗我哋好多錢，同埋又咁多甩轆，我哋今日係要嚟提醒市民」。

受高鐵工程影響的元朗攸潭美村及圍仔村村民，亦趁着開放日到西鐵柯士甸站示威，抗議高鐵導致地下水源枯竭，破壞他們的居住環境，以及行車的噪音令村民感到困擾。近60名村民在柯士甸站D出口的地面大堂遊行，沿路拉起印有「高鐵破壞住屋，村民有口難言」等橫額，期間曾一度與前往參觀的市民發生口角衝突，有參觀者不滿村民示威，指罵示威者「阻住晒」，「打我呀？你班冚X剷，仆街啦去死啦﹗」

圍仔村居民代表尹錦棠指，今次到高鐵站附近示威是為了給予壓力港鐵，他指高鐵試車時為村裡帶來震盪，導致房屋出現裂痕，另外，噪音問題亦持續困擾村民，「我哋希望港鐵同我哋去解決呢個問題，對我哋嘅困擾真係好嚴重，將來如果裂痕而令到間屋倒咗咁點搞」。

攸潭美村村民吳達源指，過往高鐵工程導致村內的地下水源枯竭，「因為高鐵喺到開發，而影響到我哋嘅水源，但由頭到尾佢都唔肯承認，到依家好多個井都無水或者唔夠水，呢個係不變嘅事實」。他又指，高鐵工程亦導致村內的房屋出現傾斜及裂痕，「我哋今日嚟嘅要求係，從來都係想佢恢復返個水，但到依家都做唔到」。