韓國電視圈年度盛事《MBC演技大賞》噚晚舉行，由徐玄及金勇萬擔任司儀。

當中由蘇志燮、鄭仁仙主演嘅《我身後的陶斯》就成為大贏家，喺噚晚連奪8個獎項，蘇志燮除了獲得「水木迷你劇部門男子最優秀演技獎」外，就連最高榮譽嘅大獎都落喺佢身上，蘇志燮撼贏《赤月青日》嘅金宣兒、《壞刑警》嘅申河均、《捉迷藏》嘅李宥利、《檢法男女》嘅鄭在詠同埋《離別的離別》嘅蔡時那，成功奪大獎。

而有「小蘇志燮」之稱嘅俞承豪孖河智苑頒發「水木迷你劇部門男子最優秀演技獎」時，俞承豪仲興奮過蘇志燮，抱住蘇志燮狂跳，場面搞笑。到蘇志燮得大獎後，由於佢喺劇中同姜其永嘅兄弟情產生唔少化學作用，亦受到劇迷歡迎，所以蘇志燮得獎後亦遵守之前承諾，喺現場同姜其永上演鼻貼鼻，大晒HeHe情。

另外，擔任司儀嘅徐玄喺現場亦先後換衫，當中一套性感露膊裙更將佢完美胸型展示出來，令唔少網民激讚。

精選韓流，喺晒《娛果》
http://fb.com/appledailyent