日前葉廄「夢仙」響澳門捧咗隻澳港盃，馬主陳華新就梗係開心，事關有大班老友過去澳門撐場，好似「非常堅」馬主Kenny鄭俊基，就專程坐船過去，呢分情意先係最重要。
平時鄭俊基同陳華新、大美人Cally鄺美雲，成日一齊吃喝玩樂，到跑馬又互相支持，咁靜咗兩年嘅「夢仙」都贏得番，同樣好耐都未再嘗勝果嘅鄭俊基同Cally，今期(26日)日馬有「非常堅」及「甜蜜鑽石」兵分兩路，兩人同病相憐，Cally對上一win已數到2009年「甜蜜福星」，Kenny雖然冇咁黑，但對上一win亦已2013年之「非常精」，當然希望可以沾到「夢仙」旺氣即時反彈。