吳業坤、譚嘉儀同鄭世豪今日到商台，宣傳佢哋合作嘅聖誕特備節目，3人雖然經常喺大台合作，但譚嘉儀就笑言：「以前同坤哥經常主持節目，o依家佢爆紅後，我哋合作機會就少咗好多。」

譚嘉儀仲大爆坤哥block咗佢電話：「我哋喺度傾偈講笑，點知佢真係block咗我電話，訊息都send唔到畀佢。」坤哥就解釋話：「同佢玩吓啫，知道今日都會見到佢。」問到坤哥係咪經常block女仔？佢就否認，又重申只係玩下。

問到有報道指大台「勁歌金曲頒獎禮」將取消最受歡迎男、女歌星獎，改為頒發最受歡迎歌星獎，意味男女歌手要爭逐同一個獎項，坤哥笑言終於可以同女歌手一齊爭獎，問到獎項越嚟越少，會唔會覺得好可惜？坤哥話：「冇咁樣諗，每個賽制都有自己唔同嘅地方，有能者居之。」

更多娛聞，喺晒《娛果》
http://fb.com/appledailyent