唔通普巴嘅詛咒真係咁靈?曼城即將喺周三歐聯作客薩克達，而領隊哥迪奧拿賽前公佈壞消息，就係陣中主力大衛施華因傷缺陣，而下周日作客曼聯嘅打吡戰亦未必能夠上陣。

哥帥透露喺周日主場對韋斯咸嘅英超賽事入面，大衛施華喺下半場83分鐘射入反超前嘅入球之後，隨即感到不適。哥帥話:「大衛喺比賽尾段有啲唔妥，我哋賽後為佢做咗檢查，仲未知佢下周日出唔出得。望就望到時(下周日)踢得，但聽日就唔會畀佢出場，咁做太冒險。」

講咗咁大輪，哥帥都唔肯講施華邊度受傷，但唯一可以肯定嘅係，普巴嘅詛咒真係應驗！

----------
係你！打造星級球隊，征服各地聯賽！立即加入『BFB CHAMPIONS 2.0』！
http://bit.ly/2xrTKGM