賭王何鴻燊大年初一感冒發高燒入住養和醫院，農曆新年期間都要喺醫院度過，好彩有妻女送愛，陪佢喺病房打牌傾偈解悶。

三太陳婉珍今日下午一點幾離開養和，相信係喺醫院留夜陪賭王，佢話：「情況幾好，幾好。」三太又話情人節有送禮畀賭王，問有冇送吻?佢就怕羞話：「冇喎。」

三太之後返屋企，換走一身桃紅衫褲再返回醫院，逗留咗兩個幾鐘先離開，問佢送咩情人節禮物？佢話：「送朱古力呀，何生就出院喇。」