由杜汶澤自編自導自演嘅電影《空手道》，喺11月2號就會上映，今日喺《空手道》嘅facebook專頁，就推出咗預告片，其實之前都出過一條搶先預告，但嗰條就只係有一句對白，唔係好清楚電影內容係咩。

今日推出嘅呢條預告，對於電影嘅內容多咗好多資訊，就係鄧麗欣就係倉田保昭嘅女，故事講到倉田保昭離世後，作為女嘅鄧麗欣，就只係分得好細份，之後仲跟咗杜汶澤再揀番學空手道。

今次仲可以清楚見到倉田保昭嘅演出，倉田保昭其實就係杜汶澤嘅空手道師傅，現年71歲嘅倉田保昭，係武術高手，佢識空手道、柔道同合氣道。佢喺70年代經蔡瀾引薦下來港拍戲，曾拍過《夏日福星》同《富貴列車》等，佢嘅「對手」包括李小龍、成龍、洪金寶、李連杰、甄子丹等。近年倉田保昭辦學授徒，杜汶澤係其中一位學生，而楊千嬅拍《安娜與武林》時，演倉田保昭女兒；到《血戰新世紀》就演全智賢師父加藤。

而呢條預告可以睇到鏡頭上有唔少杜汶澤嘅風格，難得杜汶澤再一次執導電影，之前佢仲執導過《張氏情歌》嘅MV，喺《空手道》入面，都可以見到有唔少佢嘅風格。

預告去呢度睇： http://bit.ly/2wpvyEs