法國老將巫斯義1月3日49歲生日，結果他於元旦日贏「嘉福」提早賀壽，認真開心。
巫斯義縱橫馬圈逾30年，雖然髮線向上移咗唔少，但身形仲係弗爆，晨操朝氣勃勃，一啲都唔似49歲，日前記者喺晨課提早同巫巫講生日快樂，傾到興奮起嚟，巫巫仲搶咗記者支咪，一齊唱埋生日歌，成個大細路咁。
巫巫元旦日賽事後，又要停賽3期，佢已飛返法國小休，同愛女Kimberley慶祝，夠晒溫馨。