男子樂隊KillerSoap今日喺商台宣傳新碟《伍》，呢隻係佢哋第5隻唱片，入面有5首歌，佢哋話唱片雖然講嘅內容有啲悲傷，但悲傷唔好自暴自棄。

KillerSoap話雖然佢哋o依家經常喺大陸表演，但堅持會寫廣東歌，希望多啲人鍾意聽廣東歌：「o依家仲係會有人想我哋唱《月半小夜曲》，但我哋會繼續寫歌，到時多啲人鍾意我哋作品。」但因要溝通多，佢哋學國語，笑話唔想因普通話唔好成笑柄。

新婚不久嘅主音陳樂基，將會到上海參加賽車，太太同其他樂隊成員都支持佢參加比賽，陳樂基話：「我兒時夢想係做專業賽車手，好想似郭富城同林志穎，大家都知佢哋唱歌外，賽車都叻。太太話到時做賽車女郎，我話到時綠燈即刻踩油走。」其他成員都支持佢，趁佢賽車時就做定歌等佢返嚟唱。

精選娛聞，喺晒《娛果》
http://fb.com/appledailyent