鄉議局主席劉業強近年每逢大年初二，去車公廟為香港求籤後，都將籤文解讀為港人要支持政府施政，惹嚟唔少網民質疑。佢出席鄉議局活動時，親自解構佢嘅解籤「學問」：「咁有啲大道理，係唔會變㗎嘛！如果你唔支持政府、有爭拗，啲嘢都唔會行，亦行唔到，始終都要巿民同議會同意先至得。」嘩，世事真係被佢「看透」嘞！

昔日新聞：鄉議局為港求得中籤「畫餅充飢」 車公預示明日大嶼一場空

劉業強繼而再信心滿滿咁解讀，話今次求得嘅籤，文中有句「石田為業喜非常」，其實係講緊石田好有用，「石田即係棕地，棕地咪可以有發展囉」；雖則短、中期嘅土地發展，可以靠農地，但長遠一定要填海。不枉佢身為行會成員，竟然咁都借勢再sell明日大嶼。

坊間不時流傳鄉議局每年都抽起所有下籤，劉業強就強調4年前開始，鄉議局求籤之前，都會喺傳媒面前，攤開晒所有籤，之後先放入籤筒，形容求籤過程「好似六合彩咁樣咁公正」，佢話解籤前，有同解籤師傅傾過，「呢支都係中吉籤嚟，我咪自己演繹吓囉！」

「野豬達人」劉業強亦預告，豬年會繼續狙擊野豬，話野豬相當擾民，未來個幾月若情況無改善，政府要畀野豬狩獵隊復出殺豬，同時推動全港禁止餵飼野豬。咁大批野豬被殺後點處理？劉業強話野豬「食得嘅」，自爆佢細個都可能食過，「日本好似有啲咖喱豬扒，都係野豬嚟」！

快啲嚟下載啦！果籽新春〈豬年貼籽-多豬慎入〉WhatsApp Stickers｜bit.ly/AppleseedSticker

10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI