馬子妮——即係蔣家旻被雪四個月左右就可以返《愛‧回家》屋企，咁朱慧敏呢？係咪都好快雪藏完畢？Sorry，情況有啲唔同。蔣家旻都叫做聽教聽話，但朱慧敏咁「率直」個性，段估唔係咁易。至於湯洛雯同莊思明，前者有老竇湯鎮宗撐住，後者暫時都係坐下冷板凳咁上下。

其實呢，呢套劇成日sell嗰種「不勞而穫」文化真係深得強國人歡心，幾乎成套婆媽劇為強國觀眾服務咁滯，仲有一年一度嘅同觀眾gathering兼參觀電視城，十成有十成都係強國人，亦因為咁，套劇添食完再添食，食到依家，但高峰期已過。

今日有周刊報道指，該劇收視已經跌到21點，如果有跌無升，分分鐘要賠錢俾贊助商。點解？報道話，套劇同贊助商簽咗協議，保證收視會喺20點以上，但近期就徘徊喺20邊緣，高層都諗緊方法救亡，亦不停搵人入組，令個故仔(表面)豐富啲。咁安排觀眾緣好過高海寧嘅蔣家旻返入組，亦未嘗唔係一個方法嘅。