去年憑電影《大追捕》獲香港金像獎新進導演的周顯揚，昨跟編劇女友杜緻朗結束愛情長跑，晚上假金鐘香格里拉酒店擺喜酒，筵開十多席宴請圈中好友，包括曾合作拍電影《殺人犯》的郭富城、Janice Man（JM）、張晉及蔡少芬、以及關穎夫婦等，場面熱鬧。
現年35歲的周顯揚拖太太接受訪問，身穿低胸婚紗的杜緻朗離罩露「缽仔糕」，新郎周顯揚開心地說：「今日有註冊儀式，太太都有喊。」愛的宣言？他說：「希望唔止今生今世做夫妻，來生來世都要，生BB梗係想，順其自然。」但老婆豪邁地說：「多啲嚟密啲手。」周顯揚預備了200多支酒暢飲，杜緻朗興奮地說：「不醉無歸。」周顯揚還親吻她面頰，杜緻朗笑說：「我哋係老戀人，相識20年，今晚要努力，唔係我哋俾人隊冧，就係我哋隊冧人。」

JM變身司機

蔡少芬夫婦最早到賀，問張晉會否傳授生仔秘方？他尷尬地說：「呢啲佢自己會，唔關我事，但會分享湊仔經驗。」張晉踢爆導演向他表示，20年才結婚感到有歉意，蔡少芬說：「真係好過份㖭啦！」至於JM揸車接經理人陳善之、余安安到賀，JM說：「拍《大追捕》認識導演，仲因為呢部戲同媽咪（余安安）關係咁好，所以一齊嚟賀佢。」余安安笑言昨晚負責飲酒，故由JM做司機。另外，許晉亨及李嘉欣到酒店晚膳。
採訪：張俊銘