跑完香港經典一哩賽，「金鎗六十」繼續以玩敵姿態贏馬，估計台前幕後、普羅馬迷或者大部份評馬行家都會認為佢必攞打吡冠軍。

但阿棟睇就未必，因為廐侶「幸福笑容」今場雖然只跑第二，但跑2000米嘅潛力隨時更高，去到打吡正本戲，反先一啲都唔出奇！

睇番「幸福笑容」嗰場出閘略慢，但莫雅好快趣已經力策馬匹，算係跟得住馬群，不過入到直路好似先發到力，追勁就唔嘢少，越追越勁嘅第二 。

睇得出「幸福笑容」跑二千米肯定更加啱腳法，而莫雅返嚟解鞍嗰陣，見佢同呂健威傾咗好耐，應該畀到唔少正面意見，對呢匹佳駟必有幫助，更加唔排除已經卜咗響打吡再騎！

今年華倉勢頭強勁，洋倉卒之要打硬仗，好似蔡約翰匹「美麗非凡」都有好多人支持啊，但係睇佢響經典一哩賽嘅走勢仲係幾稚嫩，要響兩個月內糾正仲要去到「金鎗六十」同「幸福笑容」嘅層次，睇嚟唔易！

----------------------
【獨家】唔睇唔知時運高！？即睇玄學女神唐碧霞講鼠年十二生肖運程
----------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-------------------

一按即玩