32歲嘅房祖名去年喺北京容留他人吸毒罪成，被判入獄6個月，房祖名接受台灣《蘋果日報》獨家專訪，佢喺專訪中說到獄中生活，祖名否認因老爸係成龍，而享受特權，食嘅嘢一樣係饅頭配小菜，瞓嘅都係木板房，最難受嘅係，牢房內因為安全考量，24小時不准熄燈，所以佢話自己184天冇睇過「黑暗」。

祖名又說到獄中奇異事，佢話第一次放風，發現其實只係一個四方形小陽台，其中一位老人牢友，跑到角落蹲下來，不斷搔動抖落頭皮屑，接著開始抓腳皮，佢覺得畫面好似鬼片，好怕自己喺接下來日子，可能都會出現呢樣好似有精神病行為，祖名又坦承後來佢都有怪癖，就係養咗蜘蛛。

房祖名又透露，近半年都喺台北，媽媽林鳳嬌陪住佢，除咗寫歌、練歌，冇嘢做就變宅男，喺屋企打機，佢曾與柯震東、陳柏霖等朋友相約碰面。

此外，佢又講到他同成龍以前一整年，或者見唔到一次，反而出獄呢半年，成龍睇咗佢3次：「雖然也有安排別的行程，不是專程來看我，但已經很多了。」