錢國偉喺大台留下唔少經典節目，最為人熟悉嘅當然係節目入面嘅天使助理，雖然就唔係話個個都好紅、發展得好好，但都有唔少天使結咗婚，仲嫁得唔錯。

「飯」孫慧雪
第一輯嘅《美女廚房》做「飯」嘅孫慧雪，入行十年不過喺大台都只係做配角。佢喺去年底同拍拖6年嘅圈外男友Edwin結婚，絕對係幸福人妻，今年7月仲做埋媽媽，生咗囝囝Riley。

「講唔猿」 白雲
白雲喺上年10月29日嫁畀前香港先生江俊霖（Kelvin），據知Kelvin家底唔錯，爸爸係醫生，而Kelvin就係哈佛大學建築系畢業生，喺無綫高層樂易玲老公嘅公司工作。

「梳打」賈曉晨
06年參加過《美女廚房》做「美少女廚神冠軍」喺翌年仲成為「味之天使」，佢喺2012年同樊少皇拍拖，拍拖3年佢哋仲喺前年結婚，而JJ都好快榮升做媽媽喇！

「雜果賓治」陳宛蔚
參加過07年港姐嘅陳宛蔚，入到24強落不過就加入大台，仲被安排喺《味分高下》擔任其中一位「味之天使」，因為咁仲識到錢國偉，佢哋嘅緋聞傳到2012年先認拍拖，仲係2015年拉埋天窗。

「啤梨」張韋怡
《味之天使》嘅「啤梨」張韋怡有份拍唔少電視劇，不過都係戲份非常少嘅角色，而佢喺14年未婚懷孕生咗囝囝，翌年先潘姓男友補擺酒兼幫阿仔擺百日宴。