不過唔好以為人哋要學我哋啲話就以為我哋冇得頂喎,掉番轉頭我哋更加要學多幾種外語。你諗吓,如果有個西班牙人用普通話同你講「再見」,你同佢講hastaluego,咁佢一定好想再見你。唔好以為學外語就係為咗做生意,識多個朋友都好吖。總之互相尊重。
我又問吓大家,《時代雜誌》嘅標題「學漢語」三個都係簡體字,而唔係正體字,咁反映咗乜嘢?反映咗外國人學嘅會係簡體字。
再問一句:香港小學生,使唔使學簡體字?
我認為我哋學生要先識寫正體後學睇簡體,因為係現實。
仲有,外國人應該先學正體外加一種中文輸入法,例如倉頡。
根本𠵱家唔識中、英文電腦輸入嘅已經係後現代文盲,或者叫e盲。我哋仲使乜要人罰抄書呢?應該叫罰打字。
當年有話用簡體字去解決文盲問題,但係新一代外國人唔係文盲,咁點先?
一個A一個B,即係一個日一個月,加埋就係「明」,按兩吓,搞掂。
我哋應該取消簡體字。
觀火
傳真︰2623-9278
電郵︰
[email protected]