當年今日
關於我們

【孫鵬借尿遁睇仔】孫安佐無表情抵達台灣 狄鶯衝破人群接子

蘋果日報 2018/12/11 21:36

孫鵬狄鶯孫安佐

台灣藝人狄鶯同孫鵬嘅18歲仔孫安佐,今年3月26號喺美國因為持武、涉恐攻遭逮,喺6月出庭承認犯下恐攻,但呢單案被升級至聯邦等級,遭聯邦政府起訴「非美國公民持武罪」。8月嘅時候孫安佐出庭認罪,賓州東區聯邦地區法院喺上個月20日判決佢刑滿獲釋,遣返台灣,噚日朝早孫安佐喺兩個美國移民官員嘅陪同下,全程戴上手扣,坐美國聯合航空公司嘅機返台灣(新聞連結: https://bit.ly/2Pz9yQx )。
孫安佐坐嘅飛機今晚八點喺台灣降落,候機室現場嘅傳媒有近20人、刑事局國際科派出2人、刑事局偵四隊6人、航警4人,臺灣桃園國際機場第二航廈入境大廳也有超過80人守候,陣仗浩大。當旅客同機組人員都走晒之後,孫安佐着住羽絨外套、戴帽,面無表情咁現身,孫鵬就陪住佢。記者詢問孫安佐返到台灣第一件事想做咩,佢一度打開口,但最後沒有回應,臉上似笑非笑,睇唔出佢嘅情緒。
不過喺孫安佐行出登機橋之前,孫鵬先同佢咬耳仔大約30秒,可能係提他面對傳媒唔好講嘢,當孫安佐見到傳媒咁大陣仗,竟然不時露出詭異微笑,現場有唔少傳媒見到孫安佐,第一時間衝埋去影相,情況有啲混亂,其間有路人同孫安佐擊掌,意義不明。跟住孫鵬受訪時話「後面會跟各位報告」,而本來一直唔見身影嘅狄鶯現身,衝破人群接兒子。
另外,有同班乘客向台灣《蘋果》透露,孫安佐全程都安份坐喺自己個位度,只係去過一次洗手間,反而係同佢同機但唔同坐嘅父親孫鵬,每隔一個鐘就起身一次,「借尿遁」去廁所,實情係想路過個仔嘅座位,睇吓個仔點樣,愛子之情溢於言表。