好多人都愛喺社交平台抒發內心感情，可以好隨意、隨心，但係有時就會「寫者冇心，睇者有意」，好多網民就會發揮無限嘅想像力，估吓筆者究竟講緊乜，好似今早阿嬌喺ig度貼咗電影《Lady Bird》一張截圖，當時對白係「「因為你只考慮自己，不考慮別人」，阿嬌嘅留言係：「#看到一個我好尊重嘅朋友覺得我冇需要佢我個心好難受 #點解唔可以放低無謂嘅情緒好好地祝福呢 唉...
」，貼文甫出街，就好多關心阿嬌嘅人留言安慰，有網民更估阿嬌筆下令佢難受嘅朋友就係台灣藝人楊丞琳，雖然阿嬌已即時清澄(新聞連結： https://bit.ly/2M8iQCp )，但依然好多網民估吓係佢邊個姊妹。

終於阿嬌都忍唔住，於傍晚6時許，阿嬌用cap低網民嘅「猜猜佢是誰」嘅圖片，佢哋估嘅人物包括有楊丞琳同張韶涵，阿嬌都真係唔忍心好朋友被牽涉入內，所以佢再留言：「其實呢，我只係想抒發一下自己嘅心情，我呢個朋友其實大家真係唔認識，我已經放低左(咗)啦，我諗大家都應該同我一樣放低，唔好再亂猜測喇！多謝大家咁關心我！」最大嫌疑犯楊丞琳見到阿嬌嘅留言，唔知係咪都想為自己澄清吓呢，佢即時留言祝阿嬌新婚快樂：「新婚要快樂，藝人也是人，想要抒發心情很正常，但是不要被那些好奇寶寶影響了，乖」。

阿嬌同楊丞琳都作出咗回應，但就掀起另一場罵戰喇，有網民留言話：「『怕人講就唔好post』嘅偉論」，咁有網民就覺得阿嬌都係想抒發吓自己嘅感受啫，仲叫網民唔鍾意可以唔好睇喎！

精選娛聞，喺晒《娛果》
http://fb.com/appledailyent