【傑少隨筆】入完Q再孭少五磅！「百勝龍」換潘頓見真章
蘋果日報 2019/12/06 19:38
潘頓百勝龍傑少隨筆
百勝龍（紅衫）今仗換上潘頓壓陣
國際賽日（8日）除了四場一級賽外，同日另有兩場高水準二班賽事，甚具投注及觀賞價值。
尤其第九場二班1200米，形勢相對單純。這場評分區域為80至105分上限的賽事，陣中有兩匹過百分馬「加州議長」及「常感恩」，級數較同場對手明顯高一截。
兩駒在11月3日的1200米賽事中一Q而回，跑第三的「載譽歸來」該場毫無威脅，今場計死數較難反先，尤其「載譽歸來」今仗排10檔欠理想，成熱不宜追捧。
除了一對高分馬，同樣曾於11月17日包Q的「牛角仔」及「百勝龍」今仗有望以下犯上，今仗宜一併兼顧。
「牛角仔」上仗夢幻形勢之下贏馬；但畢竟曾與「金鎗六十」串過Q，實力有保證；至於「百勝龍」玻璃腳，幾乎逢出必拼，上仗負131磅用楊明綸孭一堆死磅仍追入亞軍，表現較前駒更為出色。
兩駒上仗分別負120磅及131磅，賽後分別被加6分及1分，但今仗負磅竟較上仗為輕（分別負119磅及125磅），極為着數。尤其「百勝龍」今仗更換上潘頓壓陣，排四檔亦相當好跑，屬理想博Win對象。