富士電視台為挽救收視低迷嘅「月9」檔劇，開拍人氣劇系列《Code Blue》第三季，由山下智久、新垣結衣、戶田惠梨香、比嘉愛未、淺利陽介原班人馬再度合作，劇集噚晚播出嘅大結局，錄得16.4%收視新高，終於再為富士「月9」檔劇再度省靚招牌，《Code Blue》同時宣佈會拍成電影版，將於明年上映。

《Code Blue》噚晚大結局講到地下鐵工程發生崩塌意外，要出動山下智久同新垣結衣所屬嘅飛行醫療隊，過程中淺利陽介更遇到意外，好彩佢哋最後都成功拯救到傷者，幾位主角亦安全無恙。《Code Blue》大結局唔止創下新高，亦係今季收視最好嘅日劇。

而長瀨智也夥吉岡里帆嘅《對不起，我愛你》大結局就錄得12.8%，同樣係收視最好嘅一集，至於瑛太同深田恭子《偵探物語》大結局收視就係6.8%，始終未能突破雙位數收視。