日本女星吉高由里子主演新劇《正義檢事》安排4月11日開播，不過劇集未開鏡冇耐就鬧出不和風波，29歲嘅吉高由里子被爆跟同劇嘅24歲拍檔廣瀨愛麗絲關係惡劣，相信今次後都難再有合作機會。

《正義檢事》原來由上月急逝男星大杉漣飾演吉高由里子上司，但因其病逝要臨時易角，如今再鬧出兩位女星不咬弦報道，有劇組人員爆料指兩人在片場氣氛充滿火藥味，雖然二人在劇中扮演兩姐妹，不過現實生活卻水火不容，未來為新劇宣傳勢必面左左。另外，29歲人氣男星大野拓朗亦會參演《正義檢事》，並飾演吉高由里子男友，而劇集更搵嚟福山雅治唱出主題曲《失敗學》。

精選娛聞，喺晒《娛果》
http://fb.com/appledailyent