金山軟件（3888）集團主要從事遊戲研發及提供網絡遊戲、手機遊戲及休閒遊戲服務；提供雲存儲及雲計算服務；設計、研發及銷售推廣辦公軟件產品及服務。截至2020年9月底止3個月，集團營業額上升33.5％至13.97億元 （人民幣；下同） ，股東應佔溢利增長17.5倍至6.67億元。A股金山辦公3季度保持強勁增長，按年增長59% （相比二季度43%），超過市場預期。遊戲業務同比增長19%（二季度52%），低於市場預期。公司毛利按年增長41%（相比二季68%），符合市場預期。

雖然金山軟件交出一份亮麗成績表，但由於新遊戲延遲推出，影響市場對公司來季業績展望，令其股價喺業績公佈後捱沽。有關已分拆上市嘅金山雲（美：KC）會計事項，對金山軟件提供一次性非現金收益，係令集團溢利大幅變化嘅主要原因。去年金山雲尚未分拆，所以2019年第3季有4.7億元需要入帳，而2020年第3季冇咗呢條數。估計金山雲三季度繼續保持較快增長，受到疫情影響，雲計算市場需求旺盛，市場普遍睇好雲計算保持高增長。計一計條數，金山雲目前估值唔算高，比對阿里平咗一半，未來增長空間較大。

期內，來自辦公軟件及服務等收益為6.1億元，按年增長59%，按季增長11%，佔季度收益總額44%，反映金山辦公（滬：688111）嘅業務快速增長，正成為與網絡遊戲同樣重要嘅增長引擎。至於期內來自網絡遊戲業務的收益，則按年增長19%至7.9億元，佔季度收益總額嘅56%，主要來自旗艦遊戲《劍網3》收益錄得強勁增長。不過，網絡遊戲收益按季下降9%，因《劍網3》上季推出大型資料片，大幅刺激上季收入。

考慮到金山軟件各項業務發展迅速，及後陸續有重磅遊戲上線，辦公業務有望保持高速增長，加上公司嘅現金價值，而金山軟件嘅西山居（即網遊業務）、金山辦公、金山雲等持股作估值重估，唔少大行相繼調高其目標價。技術走勢上，業績公佈後股價從47.75元高位回落至最低37.8元，一直守於38元支持區上。股價呢個星期重上多條移動平均線，噚日走勢呈初步突破，只要股價能重上44元之上，大有條件挑戰前高位並創新高，初步目標為前高位約48元水平，現價買入，跌穿40元止蝕。

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！