玻璃櫃中每部精美模型，都滿載製作者奪魁的信念，亦令每年動漫節高達模型大賽，成一眾愛好者較量的英雄地。模型達人Ray Ng前年參賽，先擸走本地冠軍，更在全球大賽勇奪全場總亞軍，揚威海外。全職砌足十多年模型，他不諱言香港水平日漸退步，慨嘆狹窄窩居不利創作：「住都唔方便嘅時候，仲砌乜模型。」

《機動戰士高達》首播至今38年，Ray就砌足高達模型30年，由追故事變成追模型，十多年前索性辭去工作，全職砌高達兼開班，「會經常去諗點樣砌好啲，四圍搵資料，而家坐車食飯都會拎部iPad睇，已經係生活一部份。」

幾乎所有砌過高達模型的人，都有參加動漫節高達模型大賽的念頭。Ray先後三次參賽，次數不多卻無寶不落，兩次贏得季軍，2015年憑一部「夜鶯長距離支援型」，大熱奪本地比賽冠軍，再遠赴日本GBWC大賽，僅敗予泰國選手，獲全場總亞軍。因其超班水準，他去年更被香港大會邀請擔任評審。

Ray指改造模型不外乎兩個方法，一是將簡單模型精密化，二是改善模型缺憾，但講到贏比賽，最重要是發揮創意，「好似前年有東南亞參加者將高達拆散砌成金魚，舊年就有人砌一條龍」。他留意到香港玩家在打磨、刻線等技術層面做得相當用心，「但評分要求技術、上色、創意，最多人唔擺創意落去，以為加刻線窩釘咪創意囉，呢個只係技巧改造，你做得唔好扣埋分。」

Ray坦言香港模型水平正在退步，皆因大家工作忙碌「買多過砌」，寧願買不用組裝的模型，加上存在「土地問題」，「你靜係扭開個油蓋、開個thinner（稀釋液）都一大浸味，你仲要同屋企人住，或者結咗婚生咗仔女，淨係磨水口磨件都飛晒啲粉出嚟，點樣可以有空間（創作）呢？」

今年動漫節繼續舉行「GUNPLA BUILDERS WORLD CUP 2017」模型大賽，分公開A、B及少年A、B四組，每組選出3名優勝者，其中，公開組及少年組各有一人可代表香港出席12月在日本東京舉行的世界決賽，入場人士可於場內展櫃欣賞到參賽作品。

記者佘錦洪