【港產口罩】被指「舐共」「拖糧」「賣港賊」 創辦人唐先生逐一回應
蘋果日報 2020/03/12 00:03
口罩工廠
從事電影業的唐先生與友人合辦的「口罩工廠」（Mask Factory）接受多家傳媒訪問後，有網民在網上討論區發出一篇題為「黑心創辦人大揭秘」的文章，內容對唐先生作出多項指摘，包括其政治取態、資金來源、場地租金等等，甚至展示數份文件顯示他當年開設的廣告公司拖糧及欠薪。唐先生接受蘋果訪問作出回應：
網：網文指摘
唐：口罩工廠創辦人唐先生
唐：口罩工廠創辦人唐先生
網：舐共嘅賣港賊。
唐：我9歲第一次拍電影，部戲係《縱橫四海》，由細到大做呢行。你知而家香港電影嘅問題，大部份係合拍片，好多電影人都喺大陸做嘢，喺大陸做嘢唔代表唔愛香港，所以今次我哋一班電影人想為香港做啲嘢，絕對唔同意話我係賣港賊。
唐：我9歲第一次拍電影，部戲係《縱橫四海》，由細到大做呢行。你知而家香港電影嘅問題，大部份係合拍片，好多電影人都喺大陸做嘢，喺大陸做嘢唔代表唔愛香港，所以今次我哋一班電影人想為香港做啲嘢，絕對唔同意話我係賣港賊。
網：10年前間廣告公司叫banxxa，好多人俾佢（唐先生）拖糧、欠薪。
唐：呢件事係真。當時成個社會環境唔係太好，我哋經營唔係太好。我並唔係一個好好嘅管理人，當時公司有啲人負責幫我去管理。我嘅主要工作係喺香港以外搵新生意返嚟，希望帶嚟收入，唔使大家無嘢撈。最後真係無辦法，兵敗如山倒，真係搵唔到錢。但一班兄弟好幾年嘅努力，當時唔想一下就cut咗佢。其實我係可以唔使拖到咁，點解拖，可能我自私，或者自以為可以解決，其實只係唔想大家無嘢撈。
唐：呢件事係真。當時成個社會環境唔係太好，我哋經營唔係太好。我並唔係一個好好嘅管理人，當時公司有啲人負責幫我去管理。我嘅主要工作係喺香港以外搵新生意返嚟，希望帶嚟收入，唔使大家無嘢撈。最後真係無辦法，兵敗如山倒，真係搵唔到錢。但一班兄弟好幾年嘅努力，當時唔想一下就cut咗佢。其實我係可以唔使拖到咁，點解拖，可能我自私，或者自以為可以解決，其實只係唔想大家無嘢撈。
最後我用咗好多方法還錢，以我所知，要還都還晒。有啲唔知，因為當時公司做得幾大，有啲錢未必經我手，簽票嘅人亦唔止我，亦都好多總監可以簽票。後來我同好多人講當時話如果真係我哋公司欠款，盡量搵我，當然唔知點解所有箭頭向住我，我幫過好多人解決公司拖糧問題，包括我所有財產積蓄攞晒出來解決呢個問題，奈何我能力有限，未必可以滿足全部人。
有人喺呢間公司攞唔到錢，基本上我都會解決，唔會有一個人同我講你還錢，之後我唔還畀佢，就算借好點樣好，都盡量畀佢。呢件事指摘係真，但我唔覺得我無盡過力，或全心欺騙大家。當然好多唔開心，我只能夠講句對唔住。當時呢間公司每年生意額4,000萬元至5,000萬元，後來我花咗近1,000萬解決欠薪問題，當年好多客都倒閉，係連鎖式倒閉，好多客嘅錢都追唔到。
網：聽地產經紀講根本唔係10萬租個廠，話係做慈善、係NGO。
唐：我無講過我係NGO，呢度（屯門廠房）係10萬蚊租，點計出嚟？5萬蚊月租，再加個無塵工作室折舊每月5萬蚊。
唐：我無講過我係NGO，呢度（屯門廠房）係10萬蚊租，點計出嚟？5萬蚊月租，再加個無塵工作室折舊每月5萬蚊。
網：資金來源包括親中擁抱大灣區嘅太子爺、大陸金主、大陸的電影人。
唐：我真係唔知嘉榮係太子爺嚟喎，我識佢咁耐，佢完全唔係太子爺，我哋細個一齊努力拍電影，佢比較成功，佢攞咗金像獎，賺到錢。一個金像剪接，都大概知道搵幾多錢㗎啦，吓嘛！另一個藥行太子爺，佢真係有錢人，佢揸馬莎拉蒂㗎喎！（咁佢係咪就係嗰位大灣區太子爺？）唔係，佢係香港某藥房嘅太子爺。話我背後藍絲資金？一個李嘉榮，一個方兆祺，真係唔係㗎嘛，我呢兩個兄弟一定唔係藍絲，係好熱愛香港嘅香港人。
唐：我真係唔知嘉榮係太子爺嚟喎，我識佢咁耐，佢完全唔係太子爺，我哋細個一齊努力拍電影，佢比較成功，佢攞咗金像獎，賺到錢。一個金像剪接，都大概知道搵幾多錢㗎啦，吓嘛！另一個藥行太子爺，佢真係有錢人，佢揸馬莎拉蒂㗎喎！（咁佢係咪就係嗰位大灣區太子爺？）唔係，佢係香港某藥房嘅太子爺。話我背後藍絲資金？一個李嘉榮，一個方兆祺，真係唔係㗎嘛，我呢兩個兄弟一定唔係藍絲，係好熱愛香港嘅香港人。
網：唐生好明顯就係紅底，靠親愛的中國搵飯食。
唐：我真係唔係紅底。如果我係紅底，唔使咁辛苦叫兩個兄弟畀錢搞呢單嘢，唔使喺咁細地方做貨倉，應該有好大地方、好多資源。我唔使喺印度買部機返嚟做呢件事。今次真係覺得政府比較弱，希望做一樣嘢出來證明畀人睇，我哋香港人做到自己嘢，係可以自救。
唐：我真係唔係紅底。如果我係紅底，唔使咁辛苦叫兩個兄弟畀錢搞呢單嘢，唔使喺咁細地方做貨倉，應該有好大地方、好多資源。我唔使喺印度買部機返嚟做呢件事。今次真係覺得政府比較弱，希望做一樣嘢出來證明畀人睇，我哋香港人做到自己嘢，係可以自救。
蘋果Fact-check
口罩工廠創辦人之一唐先生全名唐家輝。根據公司註冊處資料顯示，口罩工廠有限公司（MASK FACTORY）有3名股東，包括楊正賢、李嘉榮及方兆祺，股權分佈依次為50%、25%及25%。唐家輝沒有列入公司股東之列，但他在幾次訪問中有表明是「替老闆打工」、屬「搞手」，投資者另有其人。
楊正賢申報地址為香港地址，亦持有香港永久居民身份證，除了口罩工廠，現時還持有公司股份包括香蕉映畫、華昇演藝娛樂，前者股東僅他一人，至於華昇演藝其中一名原有股東持中國護照，但於2019年10月已經辭任董事一職，這家公司董事沒有內地人。
至於香蕉映畫在2019年曾與7家影視公司聯合出品雲騰計劃電影《九尾狐》。另外，李嘉榮是憑《追龍》獲得第37屆香港電影金像獎最佳剪接的得獎者。方兆祺為香港人，目前持有13間公司，業務包括投資及藥業等等，未有資料顯示為紅色背景人士。
唐家輝方面。根據法庭文件，他過去牽涉不少訴訟，包括勞資糾紛、稅項、債項、侵權及破產。其中2016年被林XX追債800萬元人民幣，同年被信用卡公司追債308,893元，以及被告侵犯版權。其後唐家輝宣佈破產，破產令將於今年內解除。
記者：陳家雄
唐先生接受蘋果訪問，就網民的指控作出回應。