上星期六嘅兩場澳職，尾場墨爾本打吡踢得相當激烈，墨爾本城嘅中場維度錫喺90分鐘近門頂入，幫球隊絕境下主場1:1逼和墨爾本勝利，破壞咗勝利上榜首過聖誕嘅美夢。

由於上星期五珀斯光輝嘅不敗身被打破，所以今場波勝利只要全取三分，就可以上榜首過聖誕，佢地今場就有本田圭佑唔踢得，不過前線仲有腳風好順嘅托禾倫同巴巴路西斯，踢到55分鐘托禾倫就接應巴巴路西斯嘅助攻，入咗佢登陸澳職之後，第6場上陣嘅第4球。以為賽前六連勝嘅勝利可以再下一城之際，補時墨城左閘占美遜推落底線出個靚波，笠過勝利龍門羅倫斯湯馬士，遠柱嘅維度錫就從天而降跌入空門追平。勝利咁就失咗兩分，目前一分落後俾光輝排第二。同日早場，威靈頓鳳凰完場前15分鐘連入三球，結果主場4:1炒布里斯班獅吼。

--------------------
新球季，新陣容！利物浦 FC 18-19季球星進駐《BFB》！立即帶領紅軍，踏上登頂之路！ http://bit.ly/2oQObi1
--------------------
《體蘋果》陪你睇波講波
https://www.fb.com/appledailysports