有民主派人士指，在佔中運動後，一直有傳前特首梁振英想控告黎智英、陳日君樞機等，但據知北京有保留，所以未有行動；今次突然拘捕黎等人，難免令人想到是以強拆十字架的新任港澳辦主任夏寶龍，在新人事新作風下展示其強硬治港手段「博表現」，「以前冇人做，佢就偏要做」，但客觀效果卻是令原本近乎平息反送中運動，再引起港人、國際社會關注，為新一輪抗爭提供助燃劑、也令香港更難聚焦抗疫及經濟議題。
除了猜測是夏寶龍發功，也有政界估計因《蘋果》針對警方報道，以及踢爆林鄭月娥藉抗疫報告「篤建制派背脊」，所以藉北京想清算醫護、反對派機會，「乘機對壹傳媒報復」，但有關做法卻只會刺激更大民憤，「市民擔心政府搞全面清算肅清異己，財爺派一萬嘅利好消息對沖晒」。
但不論任何原因，政圈不約而同指，今次拘捕行動最終只會為習近平添煩添亂，「習又要搞抗疫、又要搞全國復工、又要諗履行中美貿易協議，外交部正全面洗擦國際社會對中國負面形象，呢個時候拉黎智英，咪即係叫國際社會出手譴責中共，甚至出手制裁中港政府？咁咪即係又叫習近平煩多樣嘢，有心攪局！」