呢張曼聯92班經典合照，相信大部份曼聯球迷都幾乎數得晒邊個打邊個，不過睇到最右邊，踏住史高斯膊頭嗰位，似乎有啲生口面。七小福中呢位較少人熟悉嘅球員叫做泰利曲克（Terry Cooke），佢唔似傑斯同碧咸呢班同門師兄弟咁，可以喺紅魔踢出頭。

現年40歲嘅曲克，位置係翼鋒，佢喺曼聯嘅日子不斷被外借去其他球會，踢過新特蘭、伯明翰同域斯咸，最後被借去同市死對頭曼城，99年仲正式被藍月收購，由紅變藍。之後曲克嘅發展都係好一般，喺曼城繼續被外借生涯，05年外闖去美職聯，加盟科羅拉多急流踢咗4年，之後再去澳洲搵食。2010年，曲克去到阿塞拜疆，加盟當時由阿當時執教嘅卡巴拉FC，可惜踢咗12場就因為嚴重膝傷收咧，黯然收山。