當年今日
關於我們

【ecjobs青雲路】地區曲奇店玩新口味 吸OL客攻禮品市場

蘋果日報 2018/04/21 10:00

青雲路曲奇

送禮要得體又實用,曲奇看似是不錯的選擇,但普通的牛油及朱古力曲奇,相信已不能帶來新鮮感。今年39歲的Karen,已為兩女之母,她在13年幫老公打理曲奇廠生意,她覺得與其只做批發,不如創立自家曲奇品牌,進攻零售路線。於是他們開辦Deluxe Bakery,研發新口味曲奇及零食,如奶黃松子味曲奇、紅豆紫薯味曲奇及腰果杏仁脆糖等,深受年輕人及OL歡迎。他們現於荔枝角、天水圍、中環及上環設有分店,其中荔枝角店屬人氣店,吸引附近不少商戶光顧。Karen希望可以開發更多特色產品,在送禮市場站穩陣腳。
近十年八年,很流行特色曲奇,加上不少名人明星都開曲奇店,也十分旺場。位於荔枝角的Deluxe Bakery售賣不少特別口味的曲奇,老闆Karen表示:「除咗朱古力及牛油等大眾口味外,我哋仲有獨家嘅紅豆紫薯、奶黃松子及伯爵茶等曲奇。而我哋最受歡迎嘅係罐裝6 mix雜錦曲奇、4 mix曲奇及蝴蝶酥。」
Deluxe Bakery由賣曲奇起家,現更有售蛋糕、西餅、麵包及零食,價錢由$23至$148不等。除了研發新曲奇口味外,Karen在用料方面也花了心思,「坊間嘅曲奇及蝴蝶酥都好油膩,我想大家食得健康啲,所以採用紐西蘭不含豬油嘅牛油及法國比較乾身嘅麵粉,亦冇加防腐劑,相對健康啲。」
多OL幫襯
因味道特別及用料講究,故吸引附近的OL及商戶來幫襯,在區內慢慢建立了名氣,Karen說:「有啲人會專登跨區嚟買,亦有大公司客如銀行、醫院及速遞公司嚟訂曲奇作為活動禮品。」
產品以送禮為目標,Karen在食品的大小及包裝上都有深思熟慮,「蝴蝶酥嘅size,造到一口一塊,食得方便又得體。喺包裝方面,我哋主打簡約,採用花及蝴蝶嘅設計,觀感比起傳統曲奇罐嚟得清新,好得年輕人客人嘅歡心。」不論曲奇、馬卡龍或蛋白餅,包裝都十分簡潔,送禮不老土,又不失貴氣。
擴展生意做埋零售
自中五畢業後,Karen便在旅行社工作,直至13年時,因大女兒上小學,她希望有更多時間照顧她,所以到老公開設的曲奇廠幫手,工作時間會較易分配。「曲奇廠會批發畀酒店及西餅店,其中做過一個禮品project,反應都幾好,令我覺得做批發都可以試吓做埋零售,將盤生意擴大。」
13年,Karen與老公創立自家曲奇品牌Deluxe Bakery,選址荔枝角開業,Karen見區內不斷發展,有不少寫字樓及批發商店進駐,加上在開設D2 Place商場後,成為年輕人的新蒲點,同時帶旺區內的經濟發展。在宣傳上,Karen主要透過facebook及靠客人的介紹,「開業初期,我哋有喺地鐵站附近畀途人試食。另外,隔離工業中心好多時裝批發商戶,佢哋試過後,都介紹咗好多客人畀我哋。」
售價平兩三成
成績比預期好,15年Deluxe Bakery在同區由120呎鋪,搬了到400呎大鋪。有自家的曲奇廠,當然會有成本上的優勢,Karen說:「因為拎貨易咗,我哋嘅售價會比坊間曲奇禮品平2至3成,價錢大眾化之餘,仲不時推出折扣優惠,好似預早一個月訂,會有8折。」
現時Deluxe Bakery在荔枝角、天水圍、中環設有分店,各店平均月賺約3萬,上環新店於今個月亦正式營業。當中有3間分店開設在商業區,惟天水圍店在住宅商場開業,Karen表示當時打算試試不同類型的客路,「喺16年,見荔枝角店嘅生意開始穩定,我就想試吓攻住宅區,加上想研發新口味增加新鮮感,天水圍嘅人口比較年輕,我就集中試吓做年輕人喜歡嘅口味。」
紫薯加紅豆
Karen會留意當期流行甚麼而去嘗試,「當時好興日本嘅紫薯,坊間推出咗好多紫薯食品,但未有人造曲奇,我就試吓加埋紅豆嚟整。另外,身邊有好多朋友都鍾意食月餅,尤其鍾意鹹蛋加奶黃,所以我就用奶黃松子嚟模擬月餅嘅味道,呢兩款味都幾受歡迎。」
Karen表示都試過失敗及造過不受歡迎的口味,「我試過整煙肉嘅口味,但與曲奇嘅味道唔太夾,試驗階段已經過唔到。亦試過推出麥皮黑加侖子及椰絲小紅梅味,賣得比其他款式差成一半,最後都冇再賣。」
商業區開分店
初時覺得客人的口味很難捉摸,但現已有經驗的Karen已瞭解到各分店的客路,「荔枝角、中環店等商業區嘅發展潛力較大,客人以OL及商戶為主,佢哋多數肯試新品;天水圍店則以屋苑客為主,業績係穩定啲,但就冇乜突破發展,街坊對新品唔會太雀躍。」測試過開店地區後,Karen打算日後會重點在商業區開分店。
據以往經驗所得,Karen表示逢聖誕節及新年會是旺季,「節日月份會賣到10,000罐以上;新年過後係淡季,我哋會喺淡季推出多啲優惠,好似買滿$5,000會有78折、買滿$300有免費送貨等,次次唔同,有6成生意都係靠優惠吸引返嚟。」
搵好工,即上 http://www.ecjobs.com.hk