特首林鄭月娥昨晚（26日）首場社區對話，台上繼續迴避提問、錄音機式重複平日的答案，可謂意料之內。但台下被抽中發言的市民連爆金句，卻教不少收看直播的人相當驚嘆。其中一名穿紅色Polo恤和外套、3子女之父的中年男子，竟以其老婆比喻林鄭，指對方以為出於良好意願，便一味叫人硬食，暗斥她一意孤行、拒聽民意，認為自己一套才是正確。其言論一出，即引起不少丈夫和父親共鳴，紛紛在網上大讚此紅衣男是勇者。

紅衣男在開首發言時，直斥警方在下午4時舉行的記者會，令市民每日聽很多歪理，改變價值觀，「原來用腳踢人，係冇惡意嘅；（機場警）意圖拘捕人哋（街坊裝少女），係想扶起人。」他批評林鄭利用前線警來解決政治問題，擔心局勢會升級至有人命傷亡，反問林鄭是否知道。林鄭即時搶咪，聲言每日都擔心，所以首先要「停止呢啲暴力」。

紅衣男遂反駁她：「你就好似我老婆咁嘞，煮咗碟嘢就話好好食，『你食啦』。我話其實呢碟嘢真係麻麻哋，或者我唔鍾意食。『你食啦，好有益㗎。』但你冇聽過我講，其實我唔鍾意食。」他自稱「和理非」，對上一次遊行已是200萬人上街的6.16，直言示威暴力升級至此，「就係因為，你話畀我哋聽，和平咁行出嚟，就算200萬人你都係解決唔到件事吖嘛。」

他又笑言今次對話會形式不錯，「咁多次interview入面，佢都冇乜嘢答㗎啦，不如我哋講多啲嘞。」他特別提及，身邊有能力而有下一代的人，97%以上正考慮移民，甚至辦理移民中，「大家feel唔feel到呀？大家過關時有冇見到間西餅舖冇咗，變咗間咩呀？變咗間移民機構嘅consulting company喎」，認為「林女士」必須正視。他最後指，其大兒子希望林鄭回應民間其中一大訴求，即特赦示威者，「放晒啲哥哥姐姐，因為佢哋好慘」；其4歲細兒子則問他：「究竟我哋仲可唔可以相信警察？」

-----------------------------

9.28五周年集會

日期：9月28日（星期六）
時間：晚上7時至9時
地點：添馬公園
註︰已獲不反對通知書

主辦︰民間人權陣線
-----------------------------

10.1國殤遊行

日期：10月1日（星期二）
時間：下午2時
地點：維園集合起步往遮打道
註︰不反對通知書申請中

主辦︰民間人權陣線
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
-----------------------------
《囚牢之疆》 專頁
揭開集中營邪惡面紗
今日新疆 明日香港