日本組合SMAP解散後，三位成員草彅剛、香取慎吾及稻垣吾郎亦已離巢，與尊尼事務所從此分道揚鑣。

日本富士電視台節目《Viking》噚日報道SMAP三子滿約消息，又提到香港SMAP歌迷為偶像自掏腰包於四輛巴士上賣廣告，以紀念SMAP出道26周年。同時，節目在日本訪問幾位SMAP嘅香港fans，問到草彅剛、香取慎吾及稻垣吾郎離開尊尼事務所嘅感受，當中一人就用日文回答：「感覺孤寂及痛苦。」不過節目播出後，呢班港迷立即踢爆節目內容造假，仲於網上揭發富士電視台斷章取義，原來當時電視台攝製隊問香港粉絲「對SMAP宣佈解散時嘅心情如何？」受訪者答：「感覺孤寂及痛苦。」之後再問到「至於SMAP三子離巢有如感想？」港迷當時回答：「好開心，好支持他們的選擇。」點知最後被電視台剪成完全兩回事，令到當日受訪嘅香港歌迷十分不滿，其實富士節目《Viking》都並非首次被揭造假，富士方面表示目前正確認箇中原因。