港鐵車站近日貼出一張「氣候危機」海報，驟眼仲以為係災難片賣廣告，睇真原來係樂施會透過海報同網上短片，呼籲關注氣候變化嘅後遺症。
天氣開始轉凉，唔少人都開始要搽吓潤膚露護理雙手，短片就以咁做引子，但鏡頭一轉就出現一片亁旱龜裂嘅土地，另一個鏡頭係有人用風筒吹頭，接住係風災侵襲嘅畫面。樂施會話，有關內容除咗剪接技巧之外全無特技，都係發展中國家嘅人遇到天災嘅真實情況。好多人認為氣候變化只係科學同生態環境範疇課題，樂施會想話畀大家知：氣候變化人人都有份造成，但對貧窮國家嘅人就好大影響。