圈中「處女黨」成員鍾嘉欣、岑麗香、李亞男等都有着落，而王君馨都有個拍拖多年嘅男友，雖然二人經常分隔兩地，不過男友來港時會陪漏夜開工嘅王君馨食外賣、又會去女友屋企洗碗執屋。

佢同男友Daniel曾喺2013年一齊去過台灣旅行，當時傳佢哋預支蜜月，之但係王君馨就話佢同男友係基督徒，去旅行係分房，堅持唔會婚前性行為，早前大方認男友已求婚，等對方由紐約嚟香港搵到工作，就計劃結婚嘅事。

王君馨4歲移居紐約，21歲返香港參選港姐，二人相戀多年，之後相繼信主，王君馨早前接受周刊訪問時講過男友好支持佢嘅工作，而男友都想讀埋MBA。